About

Pathein ပုသိမ်

ပုသိမ်မြို့သည် အလွန်ရှေးကျသော ဆိပ်ကမ်းမြို့ဖြစ်ကာ ဧရာဝတီတိုင်း၏မြို့တော်လည်း ဖြစ်ပါသည်။ မြန်မာပြည်၏ ဆန်အိုးကြီးဟုထင်ရှားကာ ပုသိမ်ထီးလုပ်ငန်းကဲ့သို့ ယဥ်ကျေးမှုထုတ်ကုန်များလည်း ရှိပါသည်။ ပုသိမ်မြို့မှတ်တမ်းနှင့် ဓာတ်ပုံများစွာကို ကိုလိုနီခေတ်တွင် မှတ်တမ်းတင်ခဲ့သကဲ့သို့ ရာဇဝင်များမှ ထုတ်နှုတ်ရေးသားခဲ့သော စာအုပ်များလည်းရှိပါသည်။ ပုသိမ်မြို့တွင် မွန်၊ ကရင် တိုင်းရင်းသားအများစုနေထိုင်ကြသည်။ ပုသိမ်မြို့၊ လူထုအမှတ်သညာပွဲတော်ကို ၂၀၂၀ တွင်ကျင်းပရန် စီစဥ်ထားပါသည်။

လူထုအမှတ်သညာပွဲတော်

လူထုအမှတ်သညာပွဲတော်သည် ဒေသတွင်း လူမှုအဖွဲ့အစည်းတစ်ခုပြောင်းလဲလာပုံကို လူထုကြားက သမိုင်းအဖြစ် ချဉ်းကပ်လေ့လာကာ ဓာတ်ပုံမှတ်တမ်းများ အနုပညာပစ္စည်းများဖြင့် ပြပွဲအဖြစ် ခင်းကျင်းပြသရန် ရည်ရွယ်ခြင်းဖြစ်ပါသည်။ ထိုပြပွဲများမှတဆင့် မတူညီသောမျိုးဆက်များက မိမိဒေသပြောင်းလဲဖြစ်ထွန်းလာမှုများကို အတူတကွ လေ့လာကြည့်ရှုရန်ဖြစ်ပါသည်။

ဓါတ်ပုံ၊ ပန်းချီ၊ မော်ကွန်း ဗီဒီယို၊ ကဗျာ၊ စာပေတို့ဖြင့်ပေါင်းစပ်ခင်းကျင်းကာ လူကြီးလူငယ်မျိုးဆက်တို့ကြားမှ ကွာဟချက်များကို နားလည်တက်စေရန် မတူညီသော အဖွဲ့အစည်းများ ပေါင်းစပ်ထားသောလူမှုအဖွဲ့အစည်းဖြစ်ကြောင်း ခံစားတတ်စေရန် စေ့စပ်စာနာတတ်သော မျက်လုံးများဖြင့် လူမှုဘဝတို့ကို ကြည့်မြင်စေရန် ခင်းကျင်းသော အနုပညာနှင့် အမှတ်သညာပွဲတော်ဖြစ်ပါသည်။

ကျွန်တော်တို့ဟာ
သမိုင်းကိုမျက်နှာချင်းမဆိုင်ရဲ
ရှောင်လွှဲဖုံးကွယ်နေလို့မရပါဘူး

သမိုင်းရဲ့သင်ခန်းစာကို
ယာညက်သလိုကြေညက်မှ
အနာဂါတ်ခရီးကို
ဖြောင့်ဖြောင့်သွားလို့ရပါမယ်

ဒါကြောင့်အတိတ်သမိုင်းဆိုတာ
အနာဂတ်ကိုသွားရာ
အဝင်တံခါးဝဖြစ်တယ်လို့ယုံကြည်ပါတယ်

ဒါကြောင့်ကျွန်တော့်ရဲ့
Open History Project
လူထုအမှတ်သညာပွဲတော်ကို
ကျင်းပပြုလုပ်ခြင်းဖြစ်ပါတယ်


လူထုအမှတ်သညာပွဲတော် (ပုသိမ်မြို့)

လူထုအမှတ်သညာပွဲတော် (ပုသိမ်မြို့) တွင်ပြသ ရန် ဓာတ်ပုံများအား အမျိုးအစား (၃) မျိုးခွဲ၍

People – လူပုဂ္ဂိုလ်များ
(လူကို အဓိကထား၍ ရိုက်ကူးထားသောပုံ)
Cityscapes – မြို့ပြ၀န်းကျင်များ
(ရှုမြင်ကွင်းကို အဓိကထား၍ ရိုက်ကူးထားသောပုံ)
Documents – မှတ်တမ်းမှတ်ရာများ
(ပို့စ်ကတ်ပုံ) ကို ပြသထားမည်သည်။

Contact

Find me in Yangon

286 Pansodan, first floor Yangon, Myanmar

Find me on Facebook

Find me on YouTube